香港网友的经历：帶勞力士手錶去深圳事實(2)

上集講到，個海關問啲on9問題，點解要帶勞力士，有冇隨身帶收據證明，續集如下。
海關: 你隻錶咁新，我地懷疑你帶過來賣
我: 帶係手自己用，叫帶過來賣? 咁啲女士拎住個LV手袋，佢地自用係咪又可以話佢帶過來賣。(呢刻我笑出聲，佢叫我唔好笑)。佢話要申報，如果唔係要打稅，要比50%稅。
我: 你地點證明我去賣?
海關: 你出示唔到收據證明你自己買, 你要自己證明(細細個睇鄭伊健電影新英雄本色, 黃霑做大律師其中一句，你當呢到係大陸呀，要自己證明自己冇罪。呢刻我完全體會到咩叫自己證明自己冇罪)
我: 我冇諗過帶隻濕鳩錶會咁麻煩，係香港個個帶撈，去日本，韓國，未試過搞咁多嘢。
擾攘左一輪，佢冇嘢可問。
海關: 你做咩有兩部電話
我: 係咪帶2部電話又犯法，又要打稅
海關: 正常人得一部電話，你2部電話係有咩用?
我: 我係香港有2條女，咪2部電話，有2條女大陸法律係咪唔比。
之後海關叫我執自己啲嘢，叫我下次要帶收據證明，就放我走，最後冇打稅。
---------------
最後，我建議大家，去大陸如果費事煩，盡量有咁窮扮咁窮，手錶最好帶casio膠帶錶算。