意甲球隊烏甸尼斯亦都公布咗新嘅作客波衫，以當地 Friuli-Venezia Giulia 地區嘅山脈同海洋作為靈感。

球隊上個禮拜日友賽輸咗俾特拉布宗0-1，基於有啲球員狀態唔係100% 加上可用嘅球員配搭特點，球隊用咗433 陣式，之前好有機會加盟國際米蘭嘅後衛蘇列（Oumar Solet）都有上陣，把關嘅係只有22歲，之後可能會被外借出去嘅本土守門員派安拿（Edoardo Piana），而另一位守門員尼日利亞籍奧高耶（Maduka Okoye）受傷預計仍然會缺陣接近一個月。

亞特蘭大由於可能會放走阿爾巴尼亞後衛真薛迪（Berat Djimsiti）去沙地阿拉伯搵食，因此據報導有興趣引入烏甸尼斯嘅丹麥後衛湯馬士基斯頓臣（Thomas Kristensen），而荷連芬嘅荷蘭後衛威廉臣（Maas Willemsen）就成為成為烏甸尼斯嘅羅致對象。