【On.cc】吳業坤胡鴻鈞美加巡唱　首度合體將個人騷帶到海外

歌手吳業坤與胡鴻鈞（Hubert）今年夏季展開《Kwan-derful Moments》美加巡迴演唱會，先後登陸多倫多及洛杉磯，今次是他們首度合體將個人Show帶到海外，同台合唱多首人氣名曲，分享多年真摯友情，非常難得。今次美加巡演他們不約而同表示時差（Jet lag）是最大挑戰，吳業坤透露今次行程十分緊湊：「去到多倫多時真係非常眼瞓，上台前一直喺度頂緊時差，好彩多倫多觀眾嘅熱情直接將我『灌醒』！去到第二站洛杉磯時時差終於適應咗，兩場都唱得好盡力，估唔到遠在海外都有3、4000人支持，真係好感動。」

吳業坤胡鴻鈞美加巡唱。

此行吳業坤帶同太太同行，他甜笑表示有太太在身邊照顧非常安心：「佢幫我收拾行李、打理好多嘢。完成演唱會後，我哋仲去咗 Las Vegas 玩，又順道參觀咗大峽谷同羚羊峽谷等景點。返港後就會緊接準備上海演唱會同埋《試真啲》嘅拍攝工作。Hubert 則笑言今次美加之行幾乎全程處於「昏昏哋」的狀態：「由出發到離開都好似仲未轉到時差，不過都好，返到香港就唔使重新適應！好在歌迷極度熱情，令我同吳業坤一上台就可以擊退 Jet lag，非常精神。」

提及行程中的趣事，Hubert 分享在加拿大與當地樂隊綵排時，Band Leader透露部分樂手不懂中文，因此特意將他們的中文歌名全翻譯成英文來溝通，令他們大感新鮮與搞笑。此外，兩人更在跨國行程中經歷了一場「驚心動魄」的機場插曲。Hubert透露：「喺加拿大飛去美國過境時，無諗過海關會排咁長隊，我哋係去到臨起飛前 10 分鐘先至成功登機，過程真係好緊張刺激！」幸好最終兩場演出均順利完成，臨走前亦爭取到半日時間在洛杉磯到處觀光，為今次的美加巡演劃上圓滿句號。

吳業坤胡鴻鈞相當受歡迎。

胡鴻鈞技驚四座。

吳業坤實力擔當。

吳業坤才華洋溢。

胡鴻鈞多才多藝。