今年樂壇冒出的新人女團，以宋宛穎、莊子璇、倪樂琳、倪嘉雯、盧映彤及喬美莎組成的MYNT最受矚目，頭炮作《Turn My Magic On》亦成網民歌單內必Loop之作。

成員倪嘉雯日前忙完MV拍攝後接受訪問，問現再加入劇組拍劇，可擔心影響MYNT的工作安排？她感恩謂：「拍劇同跳唱我都鍾意，公司畀我雙線發展係好幸運嘅事，同埋成為女團後，我個人自信咗好多，因為女團一上到台就要相信自己係最靚同最具光芒。」又謂女團獲大批粉絲支持，令她深受感動，尤其早前推出女團收藏卡，在極短時間下被搶購一空，她說：「真係受寵若驚，雖然我都係成員之一，但收藏卡啲造型太多，連自己都未儲齊，最想搵到金髮造型卡，因為我染番黑髮啦！」