【On.cc】洪永城用跑步做藉口追梁諾妍　爆同黃翠如私下完全唔夾

藝人梁靖琪（Toby）近日邀來洪永城擔任其網上節目嘉賓，並在社交平台分享節目片段及發文，她表示兩人相識多年，從沒試過像今次坐下慢慢傾，本來以為對方會好「官腔」，但結果比她想像中放鬆、坦白、好笑及感性。洪永城談到當年在有線開始，到加入無綫的心情轉變，他說：「我其實好戇居居㗎，嗰陣時對我嚟講只係另一個台咋。」但去到台慶這晚，望住成個廠的藝人，他才真正覺得：「嘩，呢個就係大台。」而由旅遊主持轉型做演員，他表示是一個「焗住學」的過程：「我未讀過Drama，監製掉個劇本畀我，我連層次都唔識分，點做？咪喺現場畀人鬧、畀人指點，企位企好啲、行路行好啲，慢慢學返嚟。」

講到節目《走過歷史大地》，他坦言收到的意見好兩極，有人鍾意AI呈現的歷史場景，有人則指「咁多AI，我想睇你同翠如多啲㗎嘛。」他虛心地說：「收到，下一輯會調整。」講到老婆梁諾妍時，他成個表情唔同咗：「佢係一個好有正能量嘅人，呢樣嘢喺生活上面係好大嘅幫助。」更自爆當年如何用「跑步」做藉口去DM她。當講到小朋友，他多了一份溫柔及認真：「做父母最緊要嘅，係幫小朋友點火。你要畀佢有一個目標、一個目的，如果唔係，佢人生會好遊蕩。」他又講到婚姻中的磨合及如何教小朋友面對未來，至於為何覺得「主持」比「演戲」更適合自己，他說：「因為主持多嘢玩啲，自由度大啲。」

片段中洪永城談到太太梁諾妍曾於佗B時與羅子溢拍床戲，他說：「嗰時未過3個月，例牌就冇得講，咁我同子溢講睇住我老婆，佢話『你老婆咩事，Fit過我啦。』睇住我老婆呀，身體呀。佢又好聰明喎，佢平時好蠢㗎嘛，即刻Get到喎！聽日嗰段床上戲，你哋唔好掟得太犀利。你知佢啲床上戲劇本，翻雲覆雨呀，掟高，接返佢。」Toby問到洪永城跟黃翠如合作了那麼久，是否真得沒有鍾意過對方：「點可以拍咁耐咁有Chemistry，到呢一刻都係咁好朋友。」洪永城說：「我同佢嘅Chemistry或者節奏喺幕前特别Sync到，觀眾特別鍾意，但係喺幕後其實係唔Sync，冇咩嘢夾嘢。」

洪永城接受梁靖琪訪問。

洪永城談到當年在有線開始，到加入無綫的心情轉變。

梁靖琪話洪永城比佢想像中放鬆、坦白、好笑及感性。

洪永城爆同黃翠如私下完全唔夾。

洪永城自爆當年係用跑步做藉口追梁諾妍。

洪永城