【娛樂新聞】莊思明楊明馬國大婚 斟茶儀式感動到喊：我哋都有喊.藝人楊明與莊思明今日（2日）在馬來西亞吉隆坡舉行婚禮，下午先進行簡單而隆重的斟茶儀式。莊思明接受訪問時坦言當刻非常感動：「特別係斟畀我阿媽嘅時候，我同阿楊（楊明）都有喊，到斟畀奶奶嘅時候，佢媽咪好激動，好緊張，成個過程大家都好開心。」

楊明笑言媽媽緊張又感動，爸爸就淡定啲，外母叫佢好好照顧思明，佢已經應承咗。剛完成敬茶儀式嘅楊明表示心情頓時放鬆：「第一階段敬茶順利完成，跟住就係婚禮儀式，真係好開心。」莊思明亦坦言見到全部長輩都喺度，好似終於完成咗佢哋一直最期待嘅事，見到老人家笑到咁開心，自己都好感動。

談到造人大計，楊明笑稱會「順其自然」，但希望可以先生哥哥，再生妹妹，等哥哥保護妹妹。蜜月旅行方面，兩人計劃先返香港搞派對同朋友慶祝，之後再去旅行。莊思敏表示送現金做賀禮最實際，又點名單身好友吳沚默、劉晨芝及關嘉敏搶花球，特別希望關嘉敏接到好運。婚禮晚宴將筵開30圍，宴請約300位賓客。TVB