阿仙奴今季第22個死球入波，超過總入球數嘅三成；面對降班區域10場賽事就全部贏曬，近19次面對對手般尼只係輸過1次。今仗整體發揮都算唔錯，但入球運氣就欠奉。包括艾斯、托沙、奧迪加特以及沙加等埋門都相當近磅，而夏維斯就頂入全場唯一入波，化身孤膽英雄。呢位入球功臣下半場有一次「埋牙」就比較肉酸，冇被紅牌驅逐都幾大爭議。「兵工廠」攞到爭冠直路上極為寶貴嘅三分，踢多場領先曼城5分，若後者未能於今晚深夜喺般尼茅夫獲勝，那麼佢哋就可以提前一週捧盃。

路爾斯（Florentino Luís）、查奧拿（Loum Tchaouna）同埋安東尼（Jaidon Anthony）都有難得嘅埋門機會，可惜都未有構成太大威脅。伊斯迪維（Maxime Esteve）第100次為般尼披甲，有一次幾關鍵嘅攔截；德國守門員韋斯（Max Weiß）都有唔錯嘅演出，有兩次成功封阻。

英超第37週賽事賽果-阿士東維拉4-2 利物浦曼聯3-2 諾定咸森林愛華頓1-3 辛德蘭賓福特2-2 水晶宮狼隊1-1 富咸列斯聯1-0 白禮頓紐卡素3-1 韋斯咸阿仙奴1-0 般尼般尼茅夫🆚曼城（稍後時間進行）車路士🆚托定咸熱刺

EPL阿仙奴夏維斯 🏴󠁧󠁢󠁥󠁮󠁧󠁿