▪️羅馬打比向來都係火藥味甚濃，今仗都唔例外。與首回合交手都係有兩位球員紅牌被逐，只不過就由兩位拉素球員變成一位拉素，一位羅馬。韋斯利同路維拿（Nicolò Rovella）開拖，結果就五十大板。而本季羅馬雙殺同城死敵，都幾威水。佢哋嘅死球路數好殺食，兩個入波都係來自贊奴卡文仙尼嘅頭槌；戴巴拿本場獲得主力出戰機會，佢嘅罰球只係掠眉而過，差點運氣。只要下場贏波，羅馬就可以參加闊別咗7年嘅歐聯！

拉素嘅進攻欠缺侵略性，薩簡尼確診多少有影響。喺得番10個人在場之後，形勢反而更被動。沙利換入伊薩臣、柏度洛迪古斯以及拉沙利，都係冇太大改善。

▪️麥湯米尼首開紀錄兼攻入本季第10個聯賽入波，協助球隊全取三分得以確保來季出席歐聯嘅正賽資格。呢個條件之下，有份埋齋嘅中鋒凱倫嘅買斷條款正式獲得確定，拿坡里需要向曼聯支付4400萬歐元轉會費，而佢今季嘅借用費為600萬歐元。

▪️祖雲達斯主場爆冷不敵費倫天拿，雙手將爭奪歐聯參賽席位嘅主導權送出。收咧之前佢哋落後第三同第四位2分，依然有機會最後時刻反吸獲得參賽資格。而佢哋最後一週嘅對手將會係無欲無求嘅統稱死對頭拖連奴…

意甲第37週賽事賽果-祖雲達斯0-2 費倫天拿比薩0-3 拿坡里科莫1-0 帕爾瑪熱拿亞1-2 AC米蘭羅馬2-0 拉素國際米蘭1-1 維羅納亞特蘭大0-1 博洛尼亞薩斯索羅2-3 萊切卡利亞里2-1 拖連奴烏甸尼斯0-1 基蒙尼斯

Serie A羅馬拿坡里費倫天拿 🇮🇹