37歲意大利前鋒柏禾列堤（Leonardo Pavoletti） 宣布完成今個球季之後將會掛靴。

呢位老將喺2017年由拿坡里轉會卡利亞里，效力9 個球季，為球隊上陣231 場入52球，當中最重要嘅一球應該係2023年意乙升班附加賽決賽第二回合嘅奠定勝局入波。協助球隊重返意甲。

柏禾列堤表示呢個係佢足球生涯嘅終點，但唔係佢人生嘅最後一站，佢會喺今個夏天同家人一齊好好享受，然後會開始審視一下自己過往嘅功勞同犯過嘅錯誤，再休息一段時間，好好思考未來嘅方向。