當年今日- 前利物浦兼荷蘭國家隊守門員韋斯迪維特（Sander Westerveld）喺個人社交平台上載番2001年5月12號喺英格蘭足總盃決賽以2-1擊敗阿仙奴捧盃嘅精彩瞬間。呢場賽事喺下半場中後段掀起高潮，龍格堡喺72分鐘為「主隊」打開紀錄，不過「當紅炸子雞」嘅奧雲分別喺83同88分鐘連入兩波，協助「紅軍」逆轉勝出，繼聯賽盃後再奪一冠。該季嘅五冠王至今依然係一時佳話！