科莫取得今季第18場勝利，平咗球會喺1950/51 球季創下嘅意甲單季贏波場數。贏波之後，佢哋亦確定歷史性第一次取得歐洲賽參賽資格。26歲希臘前鋒杜維卡斯取得今季第13個聯賽入波，舊年動用嘅 1400 萬歐元轉會費睇嚟係值得嘅。

維羅納係今季最少球員喺聯賽入波嘅球隊，只有10位，亦都係意甲下半場入波最少嘅球隊，僅有9 球。賽前已經肯定降班嘅維羅納今場嘅鬥志同拼勁係唔錯嘅，尤其係上半場，加利亞甸尼嘅經驗同參與喺中場發揮好大嘅作用；貝加利（Rafik Belghali）喺右邊都幾活躍；法羅群島中堅艾蒙遜（Andrias Edmundsson） 判斷高波失誤成為致命傷。

艾利臣山度士（Alisson Santos）係拿坡里全晚表現最好嘅一位，干地賽季應該會對球隊嘅防守壓迫不足而不滿。事實上喺比賽裡面嘅演繹有好多不足，包括太容易俾對方喺禁區內起腳。迪羅倫素禁區內犯天條，之後自己又「補飛」，結果都係要主場輸波。

博洛尼亞今季攻擊端嘅配置其實係幾充裕，甚至叫唔少球隊羨慕。貝拿迪斯基9分鐘可以就順食糊左腳抽入；柯蘇連尼就射入今季嘅第9粒入波；路維（Jonathan Rowe）愈踢愈有，季尾往往一己之力改變戰局，伊泰利安奴要好好唸下點留住呢位英格蘭翼鋒。意甲第36週賽事賽果-拖連奴2-1 薩斯索羅卡利亞里0-2 烏甸尼斯拉素0-3 國際米蘭萊切0-1 祖雲達斯維羅納0-1 科莫基蒙尼斯3-0 比薩費倫天拿0-0 熱拿亞帕爾瑪2-3 羅馬AC米蘭2-3 亞特蘭大拿坡里2-3 博洛尼亞

Serie A 🇮🇹科莫博洛尼亞