安素費蘭迪斯、加雲貝治兩位中場都有入波，古卻利拿推前一格威脅幾大。安古姆夏幾積極進取，67分鐘被換走似乎早咗啲。雙方握手言和各得一分，開心嘅唔但只係曼聯，還有需要確保來季歐聯資格嘅維拉。

賓福特全場死守，頭59分鐘整個隊形、個人專注度確實無懈可擊！亦都令曼城無計可施，不過一次人員替換反而有所改變。杜古繼續成為球隊嘅突破同得分點，今季累計有5個入波同5次助攻，佢嘅存在或最終影響到曼城能否再次封王。夏蘭特喺射手之爭嘅比對獲勝，個人聯賽入球有26粒。馬莫殊後備入替踢咗30分鐘，補時階段嘅入波協助曼城進一步收窄同阿仙奴嘅得失球差。

基約迪（Michael Kayode）、亞莫陸（Yehor Yarmoliuk）以及後備上陣嘅奧亞達拿（Dango Ouattara）對杜古喺己方右路嘅進攻實在冇太多辦法，但必須稱讚嘅係馬菲亞斯贊臣嘅協防補位，實在精彩！另外守門員基利靴嘅發揮都好好，若非佢嘅把關球隊可能會輸多幾粒。希基名義上提上一格，不過實際更多係5後衛陣式嘅一員；伊哥泰亞高喺無咩機會嘅情況下都儘量把握機會，可惜埋門處理得唔夠好。

英超第36週賽事賽果-利物浦1-1 車路士辛德蘭0-0 曼聯富咸0-1 般尼茅夫白禮頓3-0 狼隊曼城3-0 賓福特諾定咸森林🆚紐卡素（稍後時間進行）般尼🆚阿士東維拉水晶宮🆚愛華頓韋斯咸🆚阿仙奴托定咸熱刺🆚列斯聯

EPL曼城杜古