費辛隆尼事隔兩年，重返意甲🔝

意大利乙組常規聯賽已經進行完畢，費辛隆尼取得亞軍，並且直接升上甲組，球隊今季主力包括29歲意大利本土進攻中場卡路（Giacomo Calò），阿爾及利亞翼鋒基謝美斯（Farès Ghedjemis）、格魯吉亞翼鋒卡華拿迪斯（Giorgi Kvernadze） ，另外偉大左後衛格羅素嘅19歲仔仔格羅素（Filippo Grosso）都喺聯賽踢咗7場。

升班附加賽席位亦都塵埃落定，排第六嘅摩德納對排第七嘅祖雲施迪巴，然後勝方對第三嘅蒙沙；第五嘅卡坦薩羅對第八嘅亞維連奴，勝方對排第四嘅巴勒莫，然後兩邊嘅勝方再對碰爭逐最後一個升班資格。

下游方面，有恩悉尼回巢救亡嘅比斯卡拉最終排尾二，同史柏斯亞、利賈亞納一樣護級失敗，降落丙組；尾五嘅南蒂洛同尾四巴里就要進行升降班附加賽。

Serie B 🇮🇹費辛隆尼 🟡🔵