劉穎鏇率明星籃球隊參加表演賽 精湛球技個人獨得25分 網民發現一細節超驚訝.劉穎鏇近日以隊長身份率領「明星籃球精英隊」到廣州參與《明星籃球精英隊表演賽》，當中更有譚俊彥、張振朗、羅天宇等一眾藝人隊友，迎戰由前中國男籃國手孟鐸領軍的強勁對手。

即使面對專業級的挑戰，身為隊長的劉穎鏇毫無怯場，表現出色，在網上的片段可見，她不論運球還是投籃也有板有眼，架勢十足。比賽開始後，她火力全開，不僅多次在外線命中關鍵三分球，助球隊奪分，最終她憑強勁球技一人獨得25分，成為隊中的MVP，認真厲害。

劉穎鏇也在網上分享相片，發文將功勞歸於團隊合作，感謝隊友的努力和觀眾的熱情支持，「對手真係好強，不過我哋一team人都好盡心盡力去打 ❤️ 我哋每一個隊友都好重要! 多謝嚟到支持我哋嘅觀眾同埋有收睇我哋直播嘅觀眾! 好感受到你哋嘅能量同埋現場氣氛真係好好 😍 希望會有更多機會同大家見面。」

其實劉穎鏇在學生時期，曾是籃球隊的成員，難怪一班網民大讚劉穎鏇出色的球技，並指人靚運動勁，簡直完美，「以為佢係專業運動員」、「Tiff打波好勁」、「3分波都難佢唔到」，有網民更留意到「原來佢Gel甲打波，都完全冇影響佢發揮」。

TVB