前意大利國腳恩悉尼表示之前冇班落嘅五、六個月確實好艱難，佢有一直訓練從來冇放棄，並且認為自己只不過34歲，仲未想退休。

恩悉尼近日喺訪問中表示經歷三年未能發揮出自己最佳水平嘅時期之後，開始重新享受比賽，並且感覺身體狀態好好，射門嘅技術亦都正喺度恢復中，佢亦都覺得自己喺有壓力嘅情況下感覺更自在，習慣咗呢種壓力。

呢位前拿坡里球員承認當年轉戰多倫多係錯誤嘅選擇，而征戰意乙，佢只會為前球會比斯卡拉效力，但佢嘅職業生涯唔會喺呢度結束，若果拿坡里邀請，佢願意每個月只收 1500 歐元嘅人工，亦都替母會拿坡里近年贏得兩次意甲冠軍感到高興，即使佢亦為自己效力嘅時候曾經一季 （17/18）取得91分但未能奪得冠軍感到可惜。

比斯卡拉雖然目前仍然敬陪末席，但距離尾四嘅巴里只係爭兩分，季中回歸球隊嘅恩悉尼喺7場比賽貢獻咗3個入波加2個助攻。🌈🇮🇹