【On.cc】菊梓喬失控嗌「依家結婚好陰功」　疑受保錡刺激姊弟戀再傳玩完

ERROR成員吳保錡陷合照風波多時，事隔足足1年近日忽然跪低道歉，另邊廂與他屢傳分手的菊梓喬（Hana）突然發功，忽然嗌「如果依家結婚會好陰功」，引起外間無限揣測。她近日拍片大談婚姻，笑言：「啲人成日話，如果我依家唔結婚，到我老咗嘅時候就會好陰功好慘，如果我依家結婚⋯⋯我依家就即刻陰功同埋好慘呀！」全程表現憤怒及激動，雖然她在貼文中補飛指：「祝大家婚姻美滿 搞笑日常」，表明純粹搞笑，但因撞正保錡道歉的敏感時刻，自然令網民聯想，更紛紛送上安慰：「菊姐做咩受咗咁大刺激？」、「隨緣啦，做人開心就好」、「忘記啲渣男，重新出發」，認定「菊保戀」玩完。

菊梓喬忽然講婚姻。

佢話如果依家結婚....

會即刻好慘好陰功！

令人揣測同保錡情變。