今個國際賽期，有唔少球員選擇轉變自己所代表嘅國家隊，重點包括以下幾位。

1️⃣愛爾蘭出世，代表過英格蘭U16、U17、U18、U20嘅23歲辛德蘭後衛薛堅（Dennis Cirkin） 轉為代表自己父母祖籍嘅拉脫維亞🇱🇻。2️⃣前皇家馬德里、祖雲達斯、史特加中場基迪拿嘅32歲細佬雲尼基迪拿（Rani Khedira）選擇代表突尼西亞🇹🇳，呢位柏林聯中場喺德國出世，媽媽係德國人，爸爸係突尼西亞人。3️⃣法國出世，代表過法國U21、U20、U19、U18、U17、U16，媽媽有摩洛哥血統嘅富咸 29 歲中堅艾沙迪奧普（Issa Diop），入選摩洛哥國家隊🇲🇦。4️⃣法國出世，代表過法國U16、U17、U19、U20、U21 嘅23歲前鋒華希（Elye Wahi）選擇代表科特迪瓦🇨🇮。5️⃣法國出世，代表過法國U17、U18、U19、U20，有海地血統嘅25歲辛德蘭前鋒艾斯多（Wilson Isidor）選擇代表海地🇭🇹。6️⃣奧地利出世，爸爸來自德國，媽媽來自奧地利，代表過德國U 21 、U20、U18、U17，效力 PSV 嘅 20歲進攻球員雲拿（Paul Wanner） 第一次入選奧地利大國腳名單🇦🇹。7️⃣奧地利出世，代表過英格蘭 U17、U18、U19、U20 嘅多蒙特 22歲中場卡尼卓古麥卡（Carney Chukwuemeka）選擇代表奧地利🇦🇹。8️⃣叔叔係前阿積士後衛波加迪、細佬係維拉後衛拉馬波加迪，代表過荷蘭青年代表隊嘅23歲後衛美拿路波加迪（Melayro Bogarde）選擇代表蘇利南🇸🇷。9️⃣24歲英格蘭出世，效力格拉斯哥流浪嘅後衛安曼奴費蘭迪斯（Emmanuel Fernandez） 代表尼日利亞🇳🇬。