除咗世界盃附加賽，尋晚到今日凌晨最受矚目嘅一場國際熱身賽較量- 巴西以1-2 不敵最終10人應戰嘅法國。

麥巴比32分鐘就接應奧士文迪比利助攻打開僵局；但係換邊後無耐烏柏美簡奴喺一次回防當中故意推跌對方進攻球員被球證紅牌逐出。巴西寄望人數上優勢能夠反吸，結果大舉押上造成後防空虛，被伊傑迪基把握機會擴大比數到兩球。巴西直到78分鐘先由中堅比瑪追番較接近紀錄，整場賽事佢哋唔少球員嘅心態都略遜對手，包括隊長嘅卡些美路。

法國接落來會喺30號凌晨挑戰哥倫比亞，而巴西就會喺1號上晝面對克羅地亞。