意大利備戰世界盃外圍賽附加賽🇮🇹

尋日球隊繼續喺 Coverciano 訓練基地進行操練與及同安坡里青年軍進行友誼賽，球隊受到多名球員受傷所影響，正選席位仍然有待確定，其中最主要問題係巴斯東尼能否上陣，呢位國際米蘭中堅自從3月8號脛骨受傷後一直缺陣，尋日亦都冇出席操練，加迪同保安堅奴都有機會頂上，卡拿費奧利最有機會擔任左中堅，至於全面投入操練嘅贊路卡文仙尼會係右中堅嘅首選。中場東拿利對巴塞隆拿時受傷，尋日只進行咗單獨訓練未有參與全體操練，教練團隊仍有信心佢可以星期四趕及上陣。右邊嘅保列坦奴前日左腳小腿受傷，就未有跟隨大隊操練，今日嘅最後訓練係決定性嘅，甘拜亞素或柏利斯查隨時準備頂上，而前鋒史卡麥卡就肯定會缺陣星期四嘅比賽。

目前預計最有可能嘅正選名單係：龍門：唐納勞瑪後衛：贊路卡文仙尼 、保安堅奴（加廸） 、卡拿費奧利中場：保列坦奴（甘比亞素） 、巴里拉、文奴爾盧卡迪利、東拿利、廸馬高前鋒：摩西堅恩、列迪古爾