前意大利球星迪拿泰利盛讚國際米蘭新星彼奧艾斯普薜圖（Pio Esposito），並直言：「佢令我唸翻起雲巴士頓（Marco Van Basten），佢係意大利未來嘅希望。」

呢位烏甸尼斯名宿表示，艾斯普薛圖喺過去5場意大利國家隊比賽中攻入3球，已入選世界盃附加賽名單。佢強調：「我相信佢會入更多波，未來十五年佢將會係意大利嘅主力。佢嘅首個意甲賽季就展現出質素，成為國米主力並獲得國家隊徵召，呢個並唔容易。」

迪拿泰利與艾斯普薛圖同樣來自拿坡里，佢回憶舊年喺史柏斯亞與Pio 及其兄弟 Salvatore 相遇，並指出：「佢唔單單一名出色嘅前鋒，亦都係認真謙遜嘅年輕人，當時就能夠預見佢注定效力豪門。」

談及球員風格，迪拿泰利比較道：「佢與盧卡東尼（Luca Toni）嘅跑位有所唔同，我係帶著尊重講呢句話，佢更令我唸翻起荷蘭名宿雲巴士頓。」

意大利將於3月26號喺貝加莫迎戰北愛爾蘭，爭奪世界盃入場券。迪拿泰利道：「我哋必須證明自己係意大利，我相信我哋能夠成功。加圖素係合適嘅教練，佢能夠帶領我哋殺入世界盃，呢個係意大利唔能錯過嘅舞台。」

DiNatale PioEsposito VanBasten Inter Azzurri Italia