【On.cc】陳瀅張曦雯談愛情路　剖白如何應付「Kam」人

無綫劇《臥底嬌娃》自2月底播出以來話題不絕，劇中兩位女主角張曦雯（Kelly）與陳瀅，近日孖住登上導演葉念琛網上頻道中的全新愛情節目《越問越雙琛》，大談愛情路上的修行，分享面對愛情關卡時如何應付，人生中又有否遇過「Kam 人」等等。

陳瀅（右）和張曦雯談愛情路上經歷。

談到面對眾多追求者，陳瀅即代Kelly爆料說：「Kelly係有好多呢類約會，佢好好嘅，無論如何會先畀你機會，真係好好！」Kelly則自爆遇過「很Kam」的追求者，坦言只是第二次約會對方便要求錫錫，她說：「咁樣唔Kam嗎？我唔係好喜歡太主動嘅男生，呢件事會嚇到我。」不過身邊陳瀅卻爆笑表示：「我係主動到嚇親人嘅人，可能我先係Kam嘅人！」雖然自認Kam人，但她亦有細節位會斟酌，例如很不喜歡對方在約會時邊講話邊吃東西，又或者吃東西很大聲，而Kelly則會在餐桌上留意另一細節：「我會睇對方對侍應嘅態度，從呢件事能夠睇到一個人嘅人品，有時佢哋態度可能會當人哋係下人，我唔鍾意呢啲感覺。」葉念琛透露跟陳瀅相識多時，會有吃飯之類，笑指也覺得對方很Kam，會經常忘記東西，陳瀅也自爆自己經常喝醉酒會打視像給葉導：「因為我當時覺得你好親切，可能飲咗少少酒。」Kelly即大爆陳瀅還曾以群組方式撥打視像。

談到演藝路上Kam人Kam事，張曦雯指拍親吻戲遇過勁口臭對手：「我覺得一個人口臭，如果臭到呢個地步，係唔可能唔知道自己口臭！」提到口臭，陳瀅卻有另一個經驗：「反而可能係我口臭，好記得我拍《黃金有罪》時，對手係洪永城，因為我嗰段時間病緊，病係會有口氣，因為有細菌，然後可能佢會周圍唱。」Kelly則偷偷補充：「以洪永城嘅個性應該有。」

陳瀅（右）和張曦雯甚布默契。

陳瀅和張曦雯接受訪問。