【On.cc】吳業坤搞大型音樂聚會賀「18對」生日　仍未透露新去向

歌手吳業坤日前完成中山的10周年巡迴演唱會後，在社交網分享之前個唱的精華片段相，留言「下一站見？生日會？」，原來4月18日就36歲生日的他，決定今年正日舉辦一次較大型的生日音樂聚會，慶祝自己「18對」牛一，而地點揀址在深圳，方便香港及內地的歌迷參加。

昨日吳業坤接受訪問時表示每年就會在香港舉行迷你生日聚會：「細型啲就好似好warm咁，但今年開緊巡唱，就諗不如生日搞大佢，當係巡唱一個小插曲，又可以代表每個地方都開過音樂會。」

吳業坤10周年巡迴演唱會仲未完。

吳業坤中間要加插「生日音樂聚會」。

下個月就「18對」牛一。

問到過去35年最難忘的生日會，他就謂以前年少氣盛，覺得生日時一定要玩到盡：「一定要同朋友唱K唱通宵，飲酒要飲到醉，有年試過約咗大班朋友唱K，當時有幾位Artist朋友在場，點知遇執法人員查K場牌，都算幾難忘。」又謂年紀漸長，反而覺得「平淡更好」，他說：「諗番舊時，覺得都幾冇意義，唔係話朋友唔重要，但係毋須玩到咁盡，生日同重要日子都係留番畀屋企人。」至於和唱片公司遲遲未續約，他就話暫時未可透露最新路向，因合作方案尚未落實。

吳業坤將會於深圳開大型生日會。

同唱片公司合約仲未講得。

吳業坤指合作方案尚未落實。