《魔音女團》明公布16強名單 50名候選人造型照公布.近年無綫推出唔少品牌綜藝節目，稍後將強勢推出全新真人騷《魔音女團》（The Magic Voice），全力選拔「魔音」女藝人進行特訓，同全港市民一齊見證佢哋由「魔音」蛻變成「有魔力Magic Voice」嘅重要時刻，打造新一代睇得、跳得、唱得又著得起任何靚衫嘅「魔音女團」。

早前《魔音女團》「班主任」陳潔靈及陳奐仁為節目進行首輪面試，吸引半百無綫小花空群而出，爭奪16個入圍名額。16強名單將於明日（23日）舉行嘅記者會公布。為咗拉票，各女藝人各出奇謀拍攝拉票片展現最好一面，有人大晒強勁跳舞底子、有人大晒魅力爆燈嘅女團式Pose、有人大晒搞笑創意。

TVB