一改過去幾場嘅戰術佈陣，日本以4411應對主辦國澳大利亞嘅4231，大家都似乎有所顧忌。主隊反而喺數據上成為佔優嘅一方，只係喺16分鐘被早前登入「大和撫子」百場里程碑嘅長谷川 唯（Yui Hasegawa）貢獻今屆賽事嘅第3次助攻，造就濱野 舞香（Maika Hamano）射入全場嘅唯一入波。入波相當靚，雅諾（Mackenzie Arnold）飛到盡都鞭長莫及。澳大利亞明顯有所準備，球員以身體優勢對日本嘅埋身迫搶令到後者「極唔舒服」，傳接球嘅失誤明顯增多，故以往嘅控球率優勢喺今仗都煙消殆盡，甚至連守門員嘅山下 杏也加（Ayaka Yamashita）都「派膠」，所幸森可兒未能把握黃金機會，而入球轉化率問題就係導致「袋鼠軍團」輸波嘅主因。

恭喜日本女足，繼2014同2018之後第三度奪得此項殊榮！而植木 理子（Riko Ueki）就以6粒入波成為本屆賽事嘅金靴獎得主🎉

AFC Women’s Asian Cup決賽澳大利亞0-1 日本 🇦🇺🇯🇵🏆