意大利國家隊最新名單🧾🇮🇹

睇落就好難令人好樂觀，中堅人選，加迪基本上已經唔係祖雲達斯嘅正選，12月之後只有兩場比賽踢足90分鐘，一場對科莫，一場對加拉塔沙雷；保安堅奴今季錯誤好多，狀態低迷；高普拿季中加盟巴黎FC之後，最近五場聯賽踢正選，但係實在冇睇過佢嘅表演。

中場人腳，法堤斯今季未入過波，過往最大嘅特點未發揮到，聯賽亦踢咗唔夠 500分鐘。

前線方面，基艾沙今季各項賽事加埋踢咗唔夠 700 分鐘；拉斯柏杜尼週中歐聯踢咗19分鐘，之前缺陣咗一個月；史卡麥卡近期狀況好一般。

比較好嘅消息係列迪古爾由於今個週末未有聯賽任務，已經返到意大利進行個人訓練。

個人覺得喺咁關鍵嘅時刻，似乎信任具資歷、夠經驗嘅球員比較好，更加應該以態取人。薩柏哥斯達、貝拿迪，貝拿廸斯基同柯蘇連尼都值得入選，尤其係最後三個，應該至少要選一個。