【On.cc】黃翠如蕭正楠賀愛子1歲生日 「蕭哈哈」興奮大滿足
藝人蕭正楠與黃翠如仔仔「蕭哈哈」唔經唔覺已經一歲，對蕭哈哈關懷備至嘅二人，一定唔會輕視阿仔第一個生日。黃翠如上載慶生片，一家三口原來在家中低調開生日P，兩公婆由咩都冇，到布置生日布條、氣球、蛋糕等，全部落手落腳Set好，甜蜜又溫馨，整好晒先叫阿仔出嚟接受驚喜。未慶祝過生日嘅蕭哈哈，雖然感冒中，但一現身已經笑容滿面，非常可愛，見到爸爸媽媽時，更係手腳並用咁快速爬近，足見親子情極Close。雖然蕭哈哈似乎未知咩事，不過佢跟實父母一同唱生日歌、拍拍手，又齊齊吹蠟燭，溫馨滿分！
黃翠如寫道：「蕭哈哈，這一天，是你睡醒的第365個早上，您還在感冒中。爸媽不為意眨了眨眼，您一歲了。爸爸媽媽笨拙地做了一個最細小的生日會，紀錄您，幸福的一刻。祝我們的小笑瞼生日快樂。」
蕭正楠同黃翠如今次拍咩片？
係幫阿仔慶祝1歲生日呀～
全部布置都落手落腳。
揀嘅Style都係溫馨Tone～
蕭正楠同黃翠如期待阿仔反應。
靚靚蛋糕都有。
「蕭哈哈」過首個生日。
成個布置都超靚！
「蕭哈哈」非常開心。
一家三口唱生日歌。
全家一齊吹蠟燭。
「蕭哈哈」唔知咩事都勁開心。
一家三口都好Sweet～
「蕭哈哈」一歲喇！
萧正楠黄翠如
