【On.cc】吳若希見面會變「復活升天」　$320有得見真人

歌手吳若希（Jinny）在社交網和Fans Club官網同步上載4月12日舉行的活動宣傳海報，不過這張海報設計相當破格，見笑容滿面的Jinny化身升天中的天使，活動名更為「吳若希復活派對」，似咒她早登極樂頗為大吉大利，而要「見證」她升天一刻，只需付非會員價320元或會員價290元，除可聽Jinny唱歌，齊玩遊戲及抽獎外，更會獲獨家應援物及小食，總之有得食有得玩，如得幸運之神眷顧或有機會中獎。

吳若希見面會叫「復活派對」，啋！

吳若希話佢同Fans都一樣咁玩得。

Jinny接受訪問時，對於海報似有詛咒她之嫌，她哈哈笑謂：「因為近復活節嘛，同埋啲Fans成日話我唔返工，好懶，舊年又冇搞Fans Meeting活動，大家都好耐冇見，所以今次出番嚟見面，喺佢哋心裏面，就覺得我好似復活咁。」

有謂「搞笑擔當」的她，其Fans一樣「近朱者赤」十分有喜感，她亦認同：「佢哋好搞笑㗎，每年都整啲古靈精怪嘢，最記得去年將我變咗條賀年肥仔魚，佢哋同我一樣咁奇怪，但又好好笑，我就係鍾意呢啲感覺，大家冇乜壓力，相處時就特別開心。」至於聚會上，預告將有獨家應援物送贈，問是否是另一個「大驚喜」？她就話：「我未知係乜喎，因為唔係我度橋嘅，到時大家一齊嚟玩啦。」

吳若希一啲包袱都冇。

非會員都係畀320元就有得見吳若希。

隨時有「大驚喜」。

吴若希