蕭正楠黃翠如為囝囝搞小型生日會一家三口溫馨滿瀉.蕭正楠同黃翠如自從有咗囝囝蕭哈

蕭正楠黃翠如為囝囝搞小型生日會一家三口溫馨滿瀉.蕭正楠同黃翠如自從有咗囝囝蕭哈哈之後，真係有仔萬事足，凡事都以兒子行先！今日黃翠如喺社交網分享咗一段短片，原來係為1歲嘅蕭哈哈慶生，兩公婆特登喺屋企搞咗個小型生日會，場面溫馨到爆！

片中見到佢哋準備咗氣球同一個好精緻嘅彩虹蛋糕，蕭哈哈一見到蛋糕同咁多個公仔氣球，即刻興奮到慢慢爬過去，笑到四萬咁口，真係萌到唔舍得眨眼！

之後一家三口一齊唱生日歌兼吹蠟燭，幸福滿瀉。翠如仲感性發文：「蕭哈哈，這一天，是你睡醒的第365個早上，您還在感冒中。爸媽不為意眨了眨眼，您一歲了。爸爸媽媽笨拙地做了一個最細小的生日會，紀錄您，幸福的一刻。祝我們的小笑臉生日快樂」