杜度長距離推進取得入球，對上一個聯賽入波已經係2023年5月嘅事，賽後佢話柏利斯嘅入波唔錯，但係佢嗰球更加精彩，佢仲話希望入選巴西國家隊（最後公布嘅名單就冇份）；古蒙遜嘅入波應該係今季費倫天拿合作性最強嘅一球。教練雲路尼話呢幾日係佢返到費倫天拿之後最開心嘅。碧哥利第一次喺一場意甲有入波又有助攻，今場係佢第159場意大利頂級聯賽上陣。高辛斯雖然唔算起眼，但表現穩定可靠。柏利斯再次擔任右翼，表現出色。

基蒙尼斯過往十五場意甲，四場打和十一場輸。近況持續低迷，據報導教練尼高拿可能被辭退，熱門接手人選係前烏甸尼斯教練葛迪 ，次熱門係基安保奴。從冬季轉會窗操作到球隊踢法，球會嘅理念都越來越傾向簡單直接，顯然咁樣唔足夠幫助球隊護級。

意甲serie a基蒙尼斯1-4 費倫天拿