尼高奧萊利頭頂腳踢第一次喺英超梅開二度，哥迪奧拿賽後形容佢有唔少上陣時間，但係佢絕對值得，並且可以為球隊喺中場提供所需要嘅身體對抗性。「光頭佬」亦都讚揚夏蘭特係今場佢自己心目中嘅最佳球員，因為佢要同丹般恩競爭，好多50/50嘅爭鬥都要去爭。最後關頭唐納勞瑪救出夏維班尼斯嘅遠射都相當關鍵。

考慮到近期征戰頻密，加上週中作客亞塞拜疆，紐卡素仍然可以喺尾段製造不少機會相當難得。荷爾（Lewis Hall）有入波，亦都有一次窄角度罰球直射稍為偏離目標。

新一年麥阿里士打轉一轉運，今季聯賽第一次入波，係自從舊年4月27號之後再有英超入球。利物浦亦都一年以來，第一次連續兩場英超作客保持不失球。

森林整體壓迫、全隊攻守嘅一致性都有明顯改善，亦都製造到更多攻門機會，守門員柯迪加（Stefan Ortega）表現出色。另外值得一提嘅係，連續七位森林領隊領軍嘅第一場英超都係輸波而回。

白禮頓贏波，為今仗上陣89分鐘嘅詹士米拿送上最好嘅禮物。呢位英格蘭中場正式打破巴里（Gareth Barry）嘅舊紀錄，將英超上陣最多次數刷新到654場，成為歷史之最（上陣總時間依然係巴里居首）。

另外喺被倫敦打比方面，艾迪達喺過去13次對壘當中只係輸咗3場和咗1場，成績都幾驕人。梅開二度嘅艾斯，喺打比戰嘅入球數累積到5粒排並列第三，居首嘅依然係名宿皮里斯。至於踏入2026年後表現最top嘅射手就非基約卡利斯莫屬，呢位同樣係尋晚梅開二度嘅球員。目前以8粒入波領先。

英超第27週賽事賽果-阿士東維拉1-1 列斯聯賓福特0-2 白禮頓車路士1-1 般尼韋斯咸0-0 般尼茅夫曼城2-1 紐卡素諾定咸森林0-1 利物浦辛德蘭1-3 富咸水晶宮1-0 狼隊托定咸熱刺1-4 阿仙奴愛華頓🆚曼聯（稍後時間進行）

epl 🏴󠁧󠁢󠁥󠁮󠁧󠁿