自從1951年之後，科莫第一次喺意甲作客擊敗祖雲達斯。

祖雲達斯喺二月份暫時只係贏咗一場，近期嘅走勢，後防嘅表現係比較低迷，信心亦都不足，迪基哥利奧嘅情況最令人擔心。麥堅尼上半場再次擔任右後衛，球隊更加少咗一個進攻點，下半場球隊改踢343 ，麥堅尼推前半格，情況稍有好轉。盧卡迪利同耶廸斯係陣中最賣力、最拼搏嘅兩位；卡夫倫杜林第200 次喺歐洲五大聯賽上陣。

雖然兩隊同樣喺週中進行咗比賽，但係科莫嘅前場逼搶，組織上嘅互動都比較出色。第二個入波嘅反擊好有效率，達坤拿（Lucas Da Cunha）助攻俾卡古列（Maxence Caqueret）亦都好靚。近兩季，科莫第一次喺沒有尼高柏斯嘅情況下聯賽贏波。週中踢 541 ，呢場回到4231，尾段再踢 5 個後衛，科莫整體對唔同陣式嘅演繹能力提高咗。意甲第26週賽事賽果-薩斯索羅3-0 維羅納祖雲達斯0-2 科莫萊切0-2 國際米蘭卡利亞里0-0 拉素熱拿亞🆚拖連奴（稍後時間進行）亞特蘭大🆚拿坡里AC米蘭🆚帕爾瑪羅馬🆚基蒙尼斯費倫天拿🆚比薩博洛尼亞🆚烏甸尼斯

serie a 🇮🇹